Batalla de Macumere

Artìculu in LSC

Sa batalla de Macumere (1478) est istada unu iscòntru intre su Rennu de Sardigna e su Marchesadu de Aristanis ghiada dae su marchesu Lenardu de Alagon. Sa batalla fiat acontessida in Macumere, in localidade Campu Castigadu, su 20 làmpadas 1478. De una parte sas tropas aragonesas ghiadas dae su visurè Carròs, cun repartos fatos lòmpere de s'Aragona, e de sos rennos de Nàpoli e Sitzìlia. De s'àtera parte sos regimentos sardos ghiados dae su marchesu de Aristanis, Lenardu de Alagon, cun su pinnone de s'Àrbure irradighinadu.

Est istada una batalla meda tosta, acabada cun sa vitòria de sos aragonesos, sa destruidura de s'esèrtzitu rebellu, sa fua e s'imbeniente cassa de Lenardu de Alagon, e sa derrota de sos sardos natzionalistas de su marchesadu de Aristanis.