Bertzeddi
Coordinadas: 45°19′32″N 8°25′23″E / 45.325556°N 8.423056°E
Bertzeddi (in italianu: Vercelli) est una comuna italiana de 47.243 abitadores, cabitale de sa provìntzia numenale peemontesa. Est sa de ùndighi leadas de su Peemonte pro nùmeru de bividores. Sa bidda est posta in s’oru deretu de su riu Sèsia e est una leada importante agrìcula e cumertziale; possuit in particulare su mercadu rosale prus mannu de Europa, chi l’at fatu lograre sa definidura de “cabitale europea de su rosu”.
In Bertzeddi s’agatant indùstrias mecànigas, tèssiles, chìmigas e alimentàrias.
In prus de s’istassione sperimentale de rosucurtura, tenet sa Borsa de su Rosu prus importante de Itàlia.
S’arrodu istòrigu s’isterrit in s’arzola de unu logu fortifigadu romanu e est alindadu dae zirones chi current in su trassadu de sos muros antigos; prus in cue si sunt isvilupados sos bighinados modernos.
Est de tradissione antiga s’artesania de sa prata.
Una manifestada musigale annuale de sinnìfigu est s’assinnadura de su prèmiu Viotti. In prus de custu, in Bertzeddi s’agatant sos ufìssios amministrativos, sa retoria e su departamentu de istùdios umanistas de s’Universidade de su peemonte orientale “Amedeo Avogadro”.