Custu artìculu est iscritu in sa grafia campidanesa. Abbàida sas àteras bariedades gràficas:

logudoresu · LSC · nugoresu

Browsh est unu navidadori web chi podit essi esecutau in unu terminali a lìnia de cumandu, fintzas a traessu de protocollus comenti ssh o Mosh. Arrapresentat totu is elementus de is pàginas web, màginis e vìdeus includias, comenti testu.

Browsh
Ischermada de esèmpiu
Ischermada de esèmpiu
Data prima versione23 abrile 2016
Ùrtima versione1.8.3 (29 ghennàrgiu 2024)
Sistema operativucross-platform
LimbàgiuGo e JavaScript
LitzèntziaGNU Lesser General Public License, version 2.1
Situ web

Tecnologia modìfica

Candu Browsh est esecutau, circat unu navigadori cumpatìbili (a oi, Firefox sceti) e ddu ponit in esecutzioni chena sa parti gràfica. Custu navigadori cuau torrat sa pàgina pedia de s'usuàriu a Browsh chi dda ligit e dd'amostat impreendi caràtiris de testu sceti. Is elementus gràficus funt creaus impreendi su mesu-blocu UTF-8 (▄) chi permitit de amostai duus coloris (sa parti assusu comenti colori de fundu e sa parti abàsciu comenti colori de su testu). S'arresurtau est chi sa pàgina est amostada comenti est, mancai cun d-una gràfica simplificada meda, impitichendi sa cantidadi de datus de imbiai a su terminali (de una mesura fata in su 2018, una pàgina de 3MB at arrechetu sceti 15KB).[1]

Parris modìfica

Calincunu biit custu navigadori comenti unu càmbiu modernu po navigadoris a testu, comenti Lynx.[2] Àterus pensant chi custa solutzioni siat pagu pràtica.[3]

Riferimentus modìfica

  1. (EN) Introduction, in Browsh. URL consultadu su 20 austu 2020.
  2. (EN) Browsh: A Modern, Text-Based Web Browser - Phoronix, in web.archive.org, 15 cabudanni 2018. URL consultadu su 20 austu 2020 (archiviadu dae s'url originale su 15 cabudanni 2018).
  3. (ES) Javier Pastor, Browsh es el navegador que muestra la web en ASCII: poco práctico, pero sorprendente como concepto, in Xataka, 10 trìulas 2018. URL consultadu su 20 austu 2020.

Ligàminis esternus modìfica