Articulu in logudoresu

Pro càrriga termale (thermal load in inglesu) nos·si referit a sa cantidade de calore (latente e sensibile) chi intrat (o benit criadu) in nd'unu logu. Connòschere canta energìa termica b'at in nd'unu logu podet èssere importante pro rajones diferentes. In s'area de su cunditzionamentu de àera de sos fràigos, pro esémpiu, faghere un'analisi piessigna de sas cuntributziones de calore azuat a cumprendere e a agatare su menzus atrémenu pro aorrare energìa. Su cunsumu de energìa est reduìdu in dainantis de totu cund unu bonu progetu de su fràigu e unu séberu appadronadu de sos materiales de fraigada, pro fagher in manera chi su coefitziente de trasmissione de calore de sos muros e de sos barcones siat su minore possibile.

Sas cuntributziones de s'aumentu de sa càrriga termale in nd'unu logu isseradu podent èssere espressas cund una ecuatzione:

Ue su tèrmire a manca de sa parentesi est un'acumulatione, e sos termines a dresta sunt dados (partinde dae manca) dae sa ventilatzione, dae sa radiatzione solare, e dae sa criatzione interna de su calore. Si sa temperadura de fora (chi cumparit in sa parentesi) est majore de sa de intro, si podet bìdere comente su termine mantenzat su signu suo. Si est de mancu, sa ventilatzione naturale che batit s'àera a daere calore a fora.