Castìllia
Artìculu in LSC
Sa Castìllia(in ispagnolu: Castilla [kasˈtiʎa]) est una regione istòrica de Ispagna cun tremenes pagu definidos, chi dependent de su balàngiu de àschidu chi su rènniu de Castìllia at tentu in is sèculos subra is istados bighinos, fintzas a diventare su rènniu de Ispagna una borta aunidu a sa Corona de Aragona e a su Rènniu de Navarra.
In s'Ispagna moderna sa Castìllia si cunsiderat cumposta in su norti-uestu de Castìllia e Léon e in su tzentru-sud-estu de Castìllia-La Mancha e Comunidade de Madrid, ma carchi borta bi sunt azuntos fintzas sa Cantàbria e La Rioja pro more de resones istòricas.
B'ant nointames versiones disvariadas subra is tremenes de sa Castìllia e sende chi in die de oe non godit de reconnoschimentu uffitziale perunu, non tenet mancu làcanas pretzisas.
Traditzionalmente est partzida in:
- Castìllia Betza: cumposta de Cantàbria, La Rioja e sa metade esta de Castìllia e Léon,
- Castìllia Noa: chi benit a èssere Castìllia-La Mancha e sa comunidade de Madrid.