Damnatio memoriae


Articulu in nugoresu

Damnatio memoriae est unu faveddu latinu chi, a sa litera, bolet narrer "cundanna de ammentu". In derettu romanu fit una pena chi nde iscantzellabat s'ammentu de una persone, bocandeche calesisiat ormina chi nde lu podiat battire a sos atteros chi benian a pustis. Fit una pena anneosa meda pro sos gai naraos hostes, est a narrer sos inimicos de sa tzittade. A s'imbesse est imbetzes s'apoteosi, chi bidiat sa persone picande onores de deus.

Orizine modìfica

Sa damnatio memoriae iscantzellabat cada sinzu de una persone, comente chi issa non esseret mai esistia, pro mantenner s'onore de sa tzittade. Sa pena fit galu prus leza si si tenet in contu s'importu chi sos latinos daban a s'immazine sotziale e sa fieresa de esser tzittadinos romanos. Sa pena funtzionabat bene meda, ca sas fontes istoricas fin tando malas a atzappare.

In sa Roma antica modìfica

Repubrica modìfica

In Roma custa cundanna fachiat parte de sas penas chi si podian emitter contr'a una maiestas e prebidiat sa abolitio nominis: su praenomen de su cundannau non bi diat esser istau prus prus in sa familia e che fit bocau dae tottus sos iscrittos. In prus, si nde iscantzellaban tottus sos retrattos e freguras.

A bortas sa pena, si bi aiat votu positivu dae su Senadu, la sichiat sa rescissio actorum ("annuddamentu de sos attos"), est a narrer sa destruida de tottu su traballu chi su cundannau aiat fattu in carrica, ca dae tando in susu sa zente lu teniat in cunsideru comente unu tzitadinu pessimu. Si custa cosa capitabat in bida sua, tando fit comente chi esseret decrarada una morte tizivile.

Imperiu modìfica

Sa damnatio memoriae fit falande in bassu, lompende a corfer fintzas sos imperadores mortos o ruttos e catzaos dae tronu issoro. Sa cundanna bidiat s'iscantzellamentu de su lumen de tottus sos monumentos prubicos e s'imbruttamentu de sa cara in sos soddos fattos imprentare.