Farche e marteddu
Articulu in logudoresu
Sa farche e marteddu (☭) est unu sìmbulu de su movimentu operaju. Pro primu fit sìmbulu de sas organizatziones siat sotzialistas, siat comunistas; dae su sèculu XX est diventadu su marcu prus connotu de su comunismu.
Sìmbulos
modìfica
Ja dae s'edade de mesu su marteddu, a s'ispissu assotziadu chin àteros trastes, rapresentaiat sos marcos de sos grèmios artisanales. Sas organizatziones proletàrias de s'Europa otzidentale ant isseperadu su marteddu comente sìmbulu issoro dae metade de su sèculu XIX. A in antis de sa rivolutzione russa su marteddu fit ja unu sìmbulu de sa classe operaja riconnotu in intro de su movimentu revolutzionàriu.
Sa farche imbetze fit fitiana in sos marcos de biddas e tzitades ligadas a sa massaria.
Custos duos trastes sunt istados isseperados comente sìmbulos de su pòpulu travalladore e rapresentant s'unidade de sos travalladores agrìculos e industriales. Est istadu Lenin chi at detzisu de los unire e su sutzessu suo si at àpidu a pustis de sa rivolutzione bolscevica.
Impreu
modìficaSa farche e marteddu fit presente in sa bandera de s'Unione Soviètica e in paritzas banderas de sas Repùblicas chi nde faghiant parte e in sa de àteros istados comunistas o sotzialistas mancari si pro pagu tempus, che a cussa de s'Albania in su 1944. Oje non b'at istadu perunu chi mantenet farche e marteddu in s'istendarde suo, est imbetze usadu dae unu muntone de partidos e sòtzios comunistas in totu su mundu.