Funtana Coberta

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Sa Funtana Coberta est unu putzu nuràghicu de su tipu prus antigu, est a narrer chi est fraigadu che sos nuraghes, cun pedras traballadas petzi in parte. S'agatat in sa rezione sarda de su Gerrèi, intre Iscala de Pranu e Ballau. Un'iscalinera zughet a sa càmara suterrana, arta prus de 5 m., chi s'astringhet chirru a susu cun su sistema a tolos, che in sas turres nuràghicas; totu est in materiale carcàriu.