Gadolìniu
Artìculu in LSC
Su gadolìniu est s'elementu chìmicu de nùmeru atòmicu 64 e sìmbulu Gd. Est unu metallu de sas terras raras tenet aspetu biancu-prata, est brandu e malleabile. Cristallizat a temperadura ambiente in una forma α esagonale cumpata, caentadu a 1 508 K si trasformat in una forma cristallina β cùbica a corpus atzentradu.
A diferèntzia de unos àteros lantanòides, su gadolìniu est relativamente istàbile a s'ària, bastit chi siat sica. In presèntzia de umidade, s'ammantat in presse de s'òssidu de cosa sua chi, iscorgiadu, esponet a s'atacu noas superfìtzies de metallu biu. Reagit a bellu cun s'abba e s'isorbet in sos àtzidos diluidos.
Su gadolinio est ferromagnèticu suta de 19,3 °C (sa prus arta temperadura de Curie intre sos lantanòides ferromagnèticos).
Àteros progetos
modìfica| Wikimedia Commons tenet files chi ligant a: Gadolìniu |