Grecanicos

Articulu in nugoresu

Sos grecànicos o grìko (in grècu: Γκρίκο) sunt unu populu grecu chi bivet in Italia de zosso, mescamente in sas regiones de Calabria e Puglia (penisula salentina).

Comunidàde grecànica in Aspromonte (Calabria).

Si credet chi sos grecanicos siant in cughe pro sa colonitzassione greca chi at fattu sa Grèghia Manna: si ant fattu domo in Italia pro millennia, accudinde dae sa Grèghia in su seculu de Otto A.C. fintzas a su de 15 D.C., cando sos bizantinos si ant dèpiu movere dae cughe pro more de sa conchìsta ottomana. In s'Edade de Mesu, sas comunidades grecanicas fint enclaves minorèddas.

Mancàri sa prus parte de sos grecanicos siat a como italianitzàda (fintzas pro more de sos mass media), sa comunidade at mantesu s'identitade greca, sa limba e sa curtura distinta sua (su 15% de sos sambenàos in sa provìntzia de Calabria tenent erentzia greca, pro esempiu, ma custu si bìet in sa religione puru, bìdu chi ponent in fattu a sa funtzione orientale de su cristianèsimu).

Sos grecanicos favedd(ab)ant tradissionalmente unu limbazu doricu de su grecu anticu, su griko. Su numeru de sos chi lu chistionant oje in die est minore minore: sa majoria de zovanos allegat in italianu ebbìa.