Hyla sarda

Hyla Sarda est un'ispetzia de arranedda birde chi est de sa familia Hylidae.

In ue si agattat

Custa arrana de frùmine si podet bìer in custas isulas de su Mare de Mesu:

in Sardigna: dae cue pigat su nòmine;
in Còssiga;
in s'agorru de isulas toscanas: Elba, Montecristo e Caprera.

Descritzione

S'arranedda 'e frùmine sarda est sa prus pitica de totus sas ateras: est un'animale minore minore chi andat dae 38 a 40 mm.

Tassonomia

In campu issientìficu, in su comintzu tenìat su nòmine de Hyla arborea sarda: la aìat istudiada a primu in su 1857 su chircadore italianu Edoardo de Betta. Ancora torrende a coa, sos istudiosos la aìant posta in s'ispetzia de Hyla savignyi, chi est un'arranedda chi bivet subratotu in Asia de Ponente (Siria, Israele e gai sighende). In su 1983, s'istudiosu Lanza nche at bogadu s'arranedda sarda dae cussu postu, narende chi non fit beridade, e la at artziada a ispetzia totu sua, comente si narat oe in die.