Ignazio Serra
campidanesa. Abbàida sas àteras bariedades gràficas:
logudoresu · LSC · nugoresu
Ignazio Serra (Roma, 19 de abrili 1903 – Casteddu, 8 de cabudanni 1980) est istadu unu polìticu e abogau italianu. Primu presidenti de sa Provìncia de Casteddu de su perìodu republicanu, est stètiu intra is fundadoris de sa Democratzia Cristiana in Sardìnnia.
Biografia modìfica
De genia nòbili, mannu de Francesco Serra Ballero[1] e Maria Isabella Nieddu Tola, a pustis de is stùdius clàssicus frecuentat sa facultadi de Giurisprudèntzia de s'Universidadi de Casteddu laureendi·si in su 1925.[2] Imperat sa professioni cun Luigi Crespellani.
Lòmpit in custus annus a diversus arrolus de importu: segretàriu regionali de s'Atzioni catòlica, cummissàriu regionali de s'ASCI, vice-presidenti de Casteddu de sa FUCI. Antifascista cumbintu, fundat in Sardìnnia su Partidu Populari, e duranti sa Segundu gherra mundiali s'assòtziat a su nùcleu clandestinu de sa Democratzia cristiana e a su Comitau de liberatzioni natzionali.
Faina polìtica modìfica
A s'acabbu de sa cuntierra benit elìgiu presidenti de sa Provìncia de Casteddu, e in custu arrolu proponit su fàbricu de su Spidali Marinu de sa citadi. In su 1949 est elìgiu in Cunsillu regionali e peri is annus pigat assessoraus varius: a s'Indùstria e Cumèrciu de su 1954 a su 1955 (giunta Corrias II), a sa Laurera de su 1957 a su 1958 (giuntaBrotzu II), a is Entis localis de su 1961 a su 1963 (giunta Corrias II) e de su 1966 a su 1967 (giunta Dettori).
In su 1971 diventat senadori de sa Repùblica, cambiendi a Salvatore Mannironi.
Si morit in Casteddu po infartu su 8 de cabudanni 1980.
Referèntzias modìfica
- ↑ Nebodi de su senadori Francesco Maria Serra.
- ↑ Ignazio Serra, in archiviostorico.unica.it. URL consultadu su 6 maju 2022 (archiviadu dae s'url originale su 22 austu 2022).
Bibliografia modìfica
- Enciclopedia della Sardegna, vol. 8, Tàtari, La Nuova Sardegna, 2007, pp. 581-582.
- Massimo Fantola, Il “conte” Ignazio Serra: cattolico e politico autentico, in Il Popolo, martzu-abrili1991.
- A. De Marinis, Avv. Ignazio Serra, a cento anni dalla nascita, in NuovOrientamenti, 7 de mes'e idas 2003.
- Sergio Atzeni, Ignazio Serra: fondò l’ospedale Marino, in L'Unione Sarda, 14 de freaxu 2006.