Tuone Udaina: diferèntzias tra is versiones

'''Tuone Udaina''' (mortu in su 10 de Làmpadas de su 1898), connottu finas comente '''Antonio Udina''' in [[Limba italiana|italianu]], est istada s'urtima pessona a tènner cumpetentzia attiva de su [[Limba dalmatica|dalmaticu]]. Issu fit sa fonte printzipale de informatziones in supra de su limbazu de sos mannos suos, cussu de s'isula de ''Veglia'' (''Krk'' in [[Limba croata|croatu]]), pro su limbista Matteo Bartoli, chi lu aìat intervistau in su 1897, mancari chi non seret propriu s' "ideale": non fit dalmaticu de limba mama e sa limba l'aìat imparada dae sos negossios chi sos mannos suos fachìan in dommo (comente aìat nau: ''E-l mi tuota e la maja niena favlua cosaic, in veclisun, jali favlua ce jali kredua ce ju non kapaja, ma ju toč!'' bortau "Babbu meu e mama mea goi faveddaban, faveddaban in ''viklasun'', pessande chi deo non los cumprendìo, ma aìo cumpresu tottu!"), in prus non la chistionabat prus dae oramai 20 annos e fit surdu e chene dentes: difattis, no an mai fattu registratziones sonoras in supra de sa limba chi faveddabat. Tuone Udaina traballabat che barbèri, e pro custu li naban finas ''burbur''. A sas ses de bortaedìe de su 10 de làmpadas in su 1898, una mina de terra lu aìat mortu e, chin issu, finas su dalmaticu ch'est iscumpartu pro semper.