Fredrik Bajer: diferèntzias tra is versiones
Created by translating the page "Fredrik Bajer" |
(Diferèntzia peruna)
|
Revisione de is 23:14, 12 Abr 2021
Fredrik Bajer (Nästved, Danimarca, 21 de abrili 1837 - Copenaghen, 22 de gennaxu 1922) est stètiu unu scriidori e pacifista danesu, prèmiu Nobel po sa Paxi in su 1908.
Vida e òperas
Fillu de monaghìlliu, Bajer fiat ofitziali de s'Armada Danesa, gherrendi in su 1864 in sa gherra contras a Prùssia e Àustria, innui est lòmpiu a su gradu de primu tenenti. Dd'ant smobilitau in su 1865 e s'est tramudau a Copenaghen, innui at traballau comenti professori, tradutori e scriidori.
Est intrau in polìtica e at tentu unu scannu in su Parlamentu Danesu in su 1872, chi at apoderau po is 23 annus benidoris. At acotzau organizatzionis pacifistas medas, siat in Danimarca, siat in su restu de Europa, agiudendi in su caminu po un'arbìtriu intra Svìtzera e Norvègia.
In su 1882 at fundau s'Unioni Danesa po sa Paxi e in su 1891 s'Ofìtziu Internatzionali po sa Paxi de Berna.
At cumpartziu in su 1908 su prèmiu Nobel po sa Paxi cun Klas Pontus Arnoldson. At publicau òperas comenti Su sistema de neutralidadi scandìnavu (1906).