Istassione Ferruviària de Pennsylvania

S'istassione ferruviària de Pennsylvania est un'istassione importante de sos trenos intertzitades e de probianias in Noa Iorcu. Servende 300.000 passizeris sa die (a petus de sos 140.000 de su Terminale Grand Central, s'àtera istassione ferruviària manna noaiorchesa), cun su rìtimu de finas a milli onzi 90 segundos, est s'installadura de trasportu prus transitada de sos Istados Aunidos e, cun meda, s'istassione ferruviària prus transitada de s'Amèriga de su Nordu.

Pennsylvania station in New York

Pennsylvania Station, bista aèrea

S'istassione s'agatat in su mesinterradu de Pennsylvania Plaza, unu cumparis urbanu intre su de sete e su de otu zirones, e intre sa de 31 e sa de 33 carreras, in sa parte tzentrale de Manhattan. Est posta in suta de su Madison Square Garden e a probe de àteros logos importantes de Manhattan, incrùdidos s'Empire State Building, Koreatown e sos magasinos mannos Macy's in Herald Square.

S'istassione ferruviària de Pennsylvania est in su tzentru de su Corridorzu de Nordu-Estu, una lìnia de trenos de passizeris eletrifigada chi s'isterrit a su suddu dae s'arzola metropolitana de Noa Iorcu a Washington, e a su nordu finas a Boston. Sos trenos intertzitades sunt zestionados dae Amtrak, chi possuit s'istassione intrea, cando chi sos servìtzios ferruviàrios de probianias sunt zestionados dae Long Island Rail Road e New Jersey Transit.

S'istassione de Pennsylvania at bidu 8,4 passizeris de Amtrak intre moidas e arribadas in su 2.012, a inghìriu de duos tantos su tràfigu de sa de duas istassiones prus transitada, sa Union Station de Washington.

In intro de su cumparis, sunt disponìbiles cunetaduras cun duas istassiones de su metropolitanu de Noa Iorcu, e cun medas servìtzios postalencos a su livellu de sa carrera. Sas duas istassiones de su metrò sunt in istremidades opònnidas de su cumparis (lìnia de su de sete zirones e lìnia de su de otu zirones) e sena cunetadura dereta intre issas.