Isula Foradada

Articulu in logudoresu

Sa ìsula Foradàda (in italianu isola di Foradada, in cadelànu illa Foradada) est a pagos kilometros de distantzia dae sa tzittade de s'Alighera, a chìrriu de Capu Catza in mare abertu.

Si tràttat de una rocca de carchìna e de colore bianchìttu, chi sos piscadòres de s'Alighera li aìant pòstu su nùmene de Furaràra ca tottu s'isula fit prènna de istàmpos. B'at sa possibilidade de intràre in sa Foradada pro mèdiu de navèddas chi, tuccànde dae su portu de s'Alighera, jùghent sos turistas a sas grutas de Nettunu; difàttis sas nàes, innàntis de visitàre sa gruta, b'àndant prima a sa Foradada.