Làcanas
Limba Sarda Comuna. Abbàida sas àteras bariedades gràficas:
Làcanas - Rivista Bilingue delle Identità est una rivista sarda, publicada in limba sarda e in italianu.
Istòria
modìficaFundada dae Pàule Pillonca in su 2003,[1] la pùblicat sa domo editora Domus de Janas, cun sede in Sestu. Essit cada duos meses, e s'òcupat de temas ligados a sa Sardigna de oe e a sa cultura sua, in sos medas aspetos suos: sa crònaca, sas traditziones, sas prendas de sa cultura traditzionale e populare, s’ambiente, sas festas làicas e religiosas, su teatru e sa poesia.[1] Pro lu fàghere pùblicat artìculos fatos dae autores medas, in sardu e italianu, paris a contos, poesias, paristòrias, trascritziones de garas a bolu, fumetos[2], retzetas e àteru.
In su mese de nadale de su 2011 est nàschida fintzas Làcanas.it, una versione digitale de sa rivista[3] cun su giornalista Màuru Mura comente diretore[4], e in su 2021 a custas duas publicatziones s'est annanta fintzas LàcanasTV, una WebTV direta semper dae Màuru Mura e dedicada a sos matessi argumentos sighidos dae Làcanas.
Riferimentos
modìfica- ↑ 1.0 1.1 (IT) Làcanas - Domus de Janas, in www.domusdejanaseditore.com. URL consultadu su 20 ghennàrgiu 2022.
- ↑ Gabriele Tanda, Manuelle Mureddu e sa costante narrativa sarda, in Limba Sarda 2.0, 29 maju 2020. URL consultadu su 20 ghennàrgiu 2022.
- ↑ (IT) Sito web, in Domus de Janas. URL consultadu su 20 ghennàrgiu 2022.
- ↑ (IT) La Rivista, in Làcanas.it. URL consultadu su 20 ghennàrgiu 2022.
Ligàmenes esternos
modìfica- (IT) Sa rivista Làcanas in su situ de s'editore Domus de Janas, in www.domusdejanaseditore.com. URL consultadu su 20 ghennàrgiu 2022.
- (SC, IT) Versione digitale de Làcanas, in lacanas.it. URL consultadu su 20 ghennàrgiu 2022.
- (SC, IT) WebTV LàcanasTV, in lacanas.tv. URL consultadu su 20 ghennàrgiu 2022.