Lenardu Cubeddu
Limba Sarda Comuna. Abbàida sas àteras bariedades gràficas:
Lenardu Cubeddu o Cubeddu de Arbaree (Aristanis, 1362 - Aristanis, 9 de cabudanni 1427) est istadu marchesu de Aristanis (1410-1427), conte de Costera (1422-1427), sennore maridu de is Barbàgias Mandrolisai e Ollolai (1412 circa-1427) e annotamala giùighe de facto de Arbaree (1407-1409).[1]
| Lenardu Cubeddu | |
|---|---|
| Nùmene intreu | Lenardu I Cubeddu-de Serra Bas |
| Nàschida | 1362 Aristanis |
| Morte | 9 de cabudanni 1427 Aristanis |
| Natzionalidade | sarda; aragonesa |
| Genitores | Mama: Costantza Cubeddu Babbu: Sarbadore de Serra Bas |
| Còjube | Chìriga Deyana |
| Fìgiu/a(os/as) | Antoni Cubeddu |
| Tìtulu | Marchesu de Aristanis Giuighe apoderadore de Arbaree (1407-1409) |
 Istemma | |
| Contributos de importu | Giuighe de facto de Arbaree (1407-1409), primu Marchesu de Aristanis, Conte de Costera, sennore maridu de is Barbàgias Mandrolisai e Ollolai |
Orìgines modìfica
Fiat fìgiu de Sarbadore, issu matessi fìgiu de Nigola de Arboree, canònicu in Lleida e a Salisbury, fìgiu issu matessi de Ugone II, giùighe de Arborea, e de Costantza Cubeddu, nòbile de orìgine valenciana.[2]
Biografia modìfica
Fiat naschidu in Aristanis in su 1362.[2] Intre su 1407 - annu de morte de su giùighe pitzocheddu Marianu V - e su 1409, aiat apoderadu sa soberania in su giuigadu de Arboree, pro èssere destituidu a s'arribu, a cumintzu de su mese de ghennàrgiu de su matessi annu, dae su visconte Gullielmu III de Narbona, chi possediat pretesas legìtimas subra su tronu de su logu.[2] A pustis de sa derrota in sa Batalla de Seddori, Lenardu Cubeddu fiat torradu giùighe apoderadore durante su perìodu de ausèntzia de su giùighe nou, chi fiat mòvidu a Frantza pro pedire agiudos. A pustis de sa morte de su re Martine I de Sitzìlia, dèpida cun probabilidade a sa malària,[3] su marchesu benidore fiat istadu assitiadu in Aristanis, e si fiat rèndidu chentza de cumbàtere.[4] Pagos dies a fatu, su 29[4] o su 30[2] martzu aiat sutascritu unu tratadu cun su cale decraraiat decaidu, a nùmene de is majorales aristanesos, Gullielmu III de Narbona, e tzediat totu is territòrios in possessu suo a sa Corona de Aragona. Su capituladu ddi daiat annotamala sa facultade de s'ondrare de su tìtulu de Marchesu de Aristanis, pro sese e pro s'ereu suo.[5] Su re cuntzediat a issu comente a is sighidores suos su permissu de non dèpere cumpàrrere deretu a in antis de su soberanu, reconnoschimentu chi tenet tzertamente unas similitùdines cun cussu cuntzèdidu a su giùighe de Arborea Marianu IV, tziu segundu de Cubeddu, in su tratadu de Seddori. Luegus a pustis de sa firma de su capituladu, Cubeddu aiat incumentzadu a ammanniare is domìnios cosa sua. In su mese de trìulas de su 1410 ddi fiat cuntzèdidu che a imprenda pro su prèstidu de chimbemìgia alfonsinos a su re su territòriu de su Monteagutu, e pagos annos a pustis, in su 1413, ddi fiant cuntzèdidos is territòrios de su Guilcer e de su Barigadu, semper che a imprenda pro unu prèstidu a su soberanu. Annotamala fiant in suta de su domìniu suo fintzas su Mandrolisai e sa Barbàgia de Ollolai, cuntzèdidos a sa mugere sua Chìriga Deyana in cantu eredera de babbu suo Giuanne.[6] In su martzu de su 1416 at intentadu de comporare, pro sa summa de 25.000 frorinos, is conteas de Marmidda e Valentza, ma sa tratativa aiat fallidu ca pro ite Cubeddu fiat cunsideradu dae is «òmines probos» de Casteddu de Caller, propietàrios noos de custos territòrios, «pagu fidadu».[7] In s'annu 1422 su re ddi aiat cuntzèdidu su tìtulu de conte de Costera, faghende·nde su prus feudatàriu poderosu de su regnu de Sardigna e Còrsica.[8] Fiat mortu su 9 de onniasanti 1427, lassende totu is tìtulos possedimentos a su fìgiu Antoni.[8]
Note modìfica
Bibliografia modìfica
- Francesco Cesare Casula (a incuru de), Dizionario Storico Sardo, Tàtari, Carlo Delfino Editore, 2003, ISBN 88-7138-241-2.
- Gian Giacomo Ortu, La Sardegna tra Arborea e Aragona, Il Maestrale, 2017, ISBN 978-88-6429-175-8, SBN IT\ICCU\CAG\2070065.