Libido

Articulu in nugoresu

Libido (chi a sa litera fachet a lu vortare comente "disizu" o "brama") est unu faveddu chi inditat s'energia printzipale de s'omine, cussa sessuale. In sa teoria freudiana, sa libido est a s'imbesse de sa destrudo. In sa de Carl Gustav Jung, sa libido est in prus una forma de energia chi est abberu un'ispinta vidale e non una pulsione sessuale ebìa.

Su cuntzettu de libido at sichiu in su tempus evolvendesi; lu an apprufundau meda dae su 1914 in sus, cando si cumintzéit a istudiare sa nevrosi e sa psicosi, affirmande chi sa libido non punnat a soddisfacher petzi sa pulsione sessuale de sa pessone ma fintzas ateras elementares comente a su mandicu, sa supravvivèntzia, sa morte, sa religione e s'arte.