Libro dei segreti

Articulu in logudoresu

Kitab al-Asrar, ( in arabu:كتاب أسرار مكتبة فلورنسا ) traduidu in italianu comente Il Libro dei Segreti risultanti dai pensieri est unu trattato de meccanica islamica de s'XI seculu, obera de s'andalusu Ibn Khalaf al-Muradi. Su manoscritto s'agatada in sa Biblioteca Medicea Laurenziana de Firenze e in su 2010, cun s'agiudu finanziariu de s'emiru de su Qatar, Hamad bin Khalifa Al Thani, est istadu possibile de faghere un'istudiu approfondidu pro chi est istadu trascrittu in arabu e traduidu in italianu, frantzesu e inglesu.

Internu de sa Biblioteca Medicea Laurenziana in Firenze

S'istoria

Su liberu fit in sa biblioteca dae diversos seculos e fit catalogadu comente 'e Tabulae Astronomicae. Est istadu iscobertu comente 'e liberu de meccanica solu in su 1974 dae s'istoricu de s'iscentzia inglesuDavid A. King chi aiat immediatamente informadu Donald R. Hill chi fit un'istoricu de s'iscientzia araba. S'istoria de comente su manoscritto dae s'Ispagna siat arrividu a Firenze non est nodida. Guasi seguramente at sighidu su tragittu de sos ateros liberos arabos chi faghian parte de sa colletzione de sa Biblioteca Medicea Laurenziana. In su 1584 a Roma, pro volontade de su paba Gregoriu XIII e de su cardinale Ferdinando de’ Medici fit istada aberta sa Stamperia Orientale Medicea. S'iscopu fit de pubblicare liberos orientales, pro custu bisonzaiat de buscare manoscrittos, chi fin istados chircados in Egittu, Siria, Persia e India.

Su liberu

Su liberu cuntenit 34 illustratziones.Cust'opera est cunsiderada su primu trattato de ingegneria de sempre. Su liberu diffattis cuntenit disegnos medas inue sunu rappresentadas sas machinas e sos automa meccanicos chi bi sunu descrittos. Custu fattu antizipada de unos 400-500 annos sos trattados de Leonardo da Vinci.

Bibliografia

• (IT) Mario Taddei, Massimiliano Lisa, Edoardo Zanon, Il libro dei segreti (Kitab al-Asrar), Leonardo3, 2007 ISBN 978-88-6048-013-2
• (EN) Ibn Ismail Ibn al-Razzaz Al-Jazari & Hill, Donald Routledge, The Book of Knowledge of Ingenious Mechanical Devices: Kitáb fí ma'rifat al-hiyal al-handasiyya, Islamabad, (1988). ISBN 969-8016-25-2.

Cullegamentos dae fora

• Il libro dei segreti Archiviadu su 6 cabudanni 2012 in s'Internet Archive.
• Documentariu audiovisivu - Rainews24