Little Bay

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Little Bay est una tzitadedda chi amegant de fraigare in s'ìsula caraìbica de Montserrat pro nde fàghere sa capitale. Est acanta de Brades, sa capitale de facto provisòria a pustis de s'erutzione de su 1997.

Bista de sa bidda e su portu de Little Bay

Istòria

Sa populatzione at dèpidu abbandonare in su 1997 sa capitale ufitziale de Montserrat, Plymouth, in su sud de s'ìsula, a pustis chi s'erutzione de su vulcanu Soufrière Hills de su 1995 dd'at interrada. Dae insandus sunt istados fatos unos cantos edifìtzios guvernativos provisòrios in Brades, chi est essida capitale polìtica in su 1998. In s'incomintzu, su trasferimentu depiat èssere temporàneu, ma dae tando est abarrada de facto sa capitale de s'ìsula.

Su progetu est finantziadu dae su guvernu de Montserrat e de su Dipartimentu pro s'isvilupu internatzionale de su guvernu britànnicu.

In su 2012 est istadu detzìdidu unu pranu pro su fràigu de edifìtzios guvernativos. Intre is àteras cosas, at a èssere fatu unu portu nou, chi at a èssere bonu a manigiare naves finas a una longària de 300 metros. Custu diat dèpere favorire fintzas su tràficu de is naves de crusiera. Su costu totale istimadu est de a su mancu 200 milliones de dòllaros de Istados Unidos, sa metade pro su portu. In su 2013 est incomintzadu su traballu pro aprontare s'àrea pro su fràigu. In su maju 2019 ant incomintzadu a fraigare su portu.