Montes de Mola

Ozieri-Stemma.png
Articulu in logudoresu
Ozieri-Stemma.png

Sos Montes de Mola (Monti di Mola in gadduresu) sunt una regione de sa costera gadduresa. Custa zona est connota in italianu e in totu su mundu chin su nùmene turìsticu de Costa Smeralda, imbentadu dae s'architetu Luigi Vietti.

Portu Chervu

Sa penìsula, parte de su territòriu de su comunu de Altzaghena, s'isvilupat in 55 chilòmetros de costera rocosa chin calas, renas e isuleddas. Fit belle totu ispopulada fintzas a sa nàschida, in su 1962, de su Cunsòrtziu Costa Smeralda pro more de su prìntzipe Karim Aga Khan.

Su bidditzolu prus mannu de sos Montes de Mola est Portu Chervu in uve bi sunt totus sos servìtzios e sas zonas cummertzales. Chin Portu Chervu naschit fintzas un'istile architetònicu novu cramadu Istile Mediterràneu, diventadu pois nòdidu, chi volùmenes simpres e colores craros; sìmbulu de su bidditzolu est sa creja de Stella Maris, fraicada in sos annos '70.