Msemen

Articulu in logudoresu

Su Msemen (bèrberu: ⵎⵙⴻⵎⴻⵏ Msemen) est unu pane traditzionale de su Nordafriga, tipigu de su Marrocu, s'Algerìa e sa Tunisia. Custu màndigu si accumpanzat, a su solitu, cun mele o una tassighedda de tei a sa menta, o galu unu pagu de cafei. Su msemen, in prus, si podet agattare prenadu de petza.

Bariedade de msemen apenas fatu

Raighina de su numene

Su nùmene orizinale benit dae su faeddu berberu msemen, chi bolet narrer "bene coghidu" o "bene impastadu". B'at una bariedade partigulare in ue si formant filos dae s'impastonzu e si nde faghet unu discu, chi si narat fintzas "melwi" in s'Afriga nordotzidentale.