Necròpolis de Tuvixeddu
Sa Necròpolis de Tuvixeddu s'agatat in sa parte de zosso de Casteddu. De orìzine fenitzo-pùniga, posteriormente fiat istada impreada dae sos romanos. Sas istofaduras, cumintzadas in su de XIX sègulos, ant bogadu a lughe chentinas de tumbas preferentemente cun putzu bertigale, a unu o duos interros e ricas in ammanitzos funeràrios, datàbiles intre su de VI sègulos in antis de s'era nostra e su de II sègulos a pustis de s'era nostra. Sunt de interessu particulare sa tumba de s'Ureu, a sa figura alada retraìda in sa fasca paredale interna, e sa de su cumbatidore, in ue est pintada sa figura de unu gherreri, forsis Sid su divinu, alliberadore dae totu sos males. In s'atualidade, sa necròpolis si podet bisitare petzi peri aboju cun sa Subraintendèntzia. Si prebidet sa realizadura de unu prozetu de parcu archeolòzigu e museu.
