Paolo Attivissimo

Paolo Domenico Attivissimo (York, 28 de cabudanni de 1963) est unu ziornalista, iscritore, presentadore radiufònigu e bortadore italianu. Est cunnotu a su pùbrigu pro sas pubrigaduras suas e sos blogos suos, in sos cales s'òcupat de ismentire sas teorias ordinzales prus ispainadas (in particulare pro su pertocat sos atentados de s'11 de cabudanni de 2001, sa teoria de s'ordinzu lunare e sas istelas chìmigas) e de sas gasi naradas berveghes rujas informàtigas.

Paolo Attivissimo

Biografia

Nàschidu in York, Inghirterra, dae una famìlia italiana, s'est mudadu posteriormente a Itàlia. Dae su 1980 a su 1990 at traballadu de presentadore in sas emitidoras Pavia Radio City e Radio Luna Pavia, colende a pustis a World Music Radio (in custa ùrtima cun su seudònimu de John Sinclair). Posteriormente, pro resones de issèberu pessonale e fisgales, comente decrarat in su zassu telemàtigu cosa sua, s'est tramudadu a su Lussemburgu, posca a Grandu Bretanna pro chimbe annos e finarmente, dae su 2005, a Isvìtzera, cuncretamente a Luganu, in ue bivit galu como. Cando est in Itàlia, istat mescamente in sa zona de Pabia.

Dae su 1997 a su 2001, at contivizadu una màngara chidale de informàtiga in La Gazzetta dello Sport. In su zassu suo de retza, s'òcupat de su gasi naradu “Servìtziu contra a sas berveghes rujas”, una màngara chi berìfigat sos numerosos apellos e fileras inferrales chi tzìrculant periodigamente peri curreu eletrònigu, o puru sas gasi naradas berveghes rujas cun sas cales topant fitianu diàrios e telediàrios. Su gasi naradu “Servìtziu contra a sas berveghes rujas” s'est ocupadu finas, in manera belle sistemàtiga, de Voyager – In sas làcanas de su cunnoschimentu, atroghende chi s'emissione realizat de frechente relatas a pitzos de mistèrios presùmidos, chi su crarimentu sientìfigu est in realidade cunnotu zai dae tempus, o puru ghetende a ispertos pessones ch'in realidade non tenent sos rechisitos o sos cunnoschimentos pro faeddare de sos temas currespondidores.

Dae su 2006, presentat su programma radiufònigu “Su disinformàtigu” in RSI Rete Tre, cadena de sa Ràdiu isvìtzera de limba italiana.

Cullàborat cun unas cantas rebistas in retza (Wire, The Register, Apogeonline, Zeus News) e de pabiru (PC, Magazine, Linux Magazine, Computer Idea, Le Scienze).

Est cojuadu cun Elena Faro, bortadora issa puru, e tenet tres fizos. In prus de custu, est membru de su Tzicas, su tzentru italianu pro su cuntrollu de sos atrogamentos seudosientìfigos.