Pilos a s'imberta

Articulu in nugoresu

Si narat de una pessone chi tenet pìlos a s'imbèrta (o artudhàos) cando sa lìnia de sos pilos suos non curret derèttu pèri sa cherveddèra, comènte dìat capitare atteramènte, ma pìcat una pìnnica a forma de V; b'at parìtzos grados de custu pìccu. Est unu carattere dominante lassàu in eredàde e non brìncat zenerassiònes.

Una fèmina chin sos pilos a s'imberta.

B'at fìntzas un'attera paràgula imbentàda in su 1849, internassionale, pro descrìvere custu carattere, chi est pìccu de sa biuda, ca si credìat, fòrtzis pro s'assimìzu chin sa càppa de sas biudas (bastet bìere sa Mary Stuart Cap), chi cussu fit sìnnu malu de biudèsa primadia.

No est un'ispantu chi, bìdu s'intendimèntu negativu, in sa curtura populare sos pilos a s'imberta lu tènzant a s'ispìssu zente o pessonàzos malos: Dràcula est un'esèmpiu, ma bi nde dìat poder àer unu muntone.