Pinzutu

Articulu in nugoresu

	« Un vulemu più pinzuti razza e sangue di Cainu. Un vulemo più bastardi chi so’ nati a mal distinu; vulemu la razza corsa tutta dentro la so’ scorza. Poichì no’ semo pinzuti solu par pagà le spese, tinitevi u vostru lussu cu lo vostru mal francese e lasciateci stà soli a piegne li nostri doli.  »
	(Cantu populare corsicanu )

Pinzùtu, chin su prurale chi fachet in pinzùti (pronuntzia in corsicanu: pints'udu, pronuntzia frantzesa: pinsout', in sardu puntzùdu e in italianu appuntito), est una paràgula mala chi sa zente de Còssiga imprèat pro inditàre sos continentales, ca tènen un'atzèntu "appuntìu" chi in s'allèga de sos corsicanos imbètzes non b'at (pro custu sos zovanos lis nàran pèri le pinz, chin su matessi sinnìficu). Su faveddu est de imprèu comùnu fìntzas pro sos turistas e istrànzos in generale, peròe.

Esertzitu frantzesu de s'Ancien regime chin su berrittu a tres puntas; su faveddu "pinzuti" benit dae cùghe.

Orìzine de su favèddu

Sos corsicanos naran a sos atteros frantzesos pinzuti dae sa Battalla de Ponte Novu, in ube s'armada de Pascale Paoli gherràbat contr'a sos continentales, pro mòre de su berrìttu a tres pùntas de s'esèrtzitu issoro.