Po cantu Biddanoa

Articulu in nugoresu

Po cantu Biddanòa est unu romantzu de Benvenuto Lobina, chi at prubicàu pro sa prima bìa in su 1987 2D Editrice Mediterranea.

Istoria

A s'accàbbu de sa prima ghèrra mundiale Luisìcu, unu sordàu de sa Brigata Tataresa de Emilio Lussu, tòrrat a dòmmo. A lu isettàre b'èst Sara, s'ispòsa sua, chi est a puntu de dare lùche a una criatùra. Luisicu at a fàcher sos contos chin sa cundissiòne sua de ex-sordau a gherra accabbàda e chin tòttu su chi at a bènner in su tèmpus tra sa prima e sa secunda gherra mundiale e de comente lu bìet, peròe, una bìdda ispèrdia de pacas pessònas pòsta in su tzèntru de sa Sardinna, Biddanoa appuntu.

Limba

Su romantzu est iscrìttu in sardu chind una bortàda in italianu a costàzu. In su romantzu b'àt tres regìstros limbìsticos, chi currespùnden a chie est faveddànde: sa limba de chie còntat s'istoria est unu campidanesu comùnu, sa zente de bidda chistiònat su sarcidanèsu de Biddanoa Tulu e sos prus istudiàos imbètzes unu campidanesu "tzivìle" chi a s'ispìssu bi tzàccat cultìsmos picàos dae s'italianu.