Poligonu de Chìrra
campidanesa. Abbàida sas àteras bariedades gràficas:
logudoresu · LSC · nugoresu
Su Poligonu isperimentali de adestramentu intrafortzas de Sartu de Chìrra (in italianu, Poligono sperimentale e di addestramento interforze Salto di Quirra), est unu poligonu militari postu in su comunu de Fòghesu e in sa localidadi de su Sartu de Chìrra in sa provintzia de Nugoro.
Descritzioni
modìficaEst una istrutura permanenti chi ocupat un ispatziu de 120 Kmq chirca in sa terra e 9946 milas quadradas in su mari. Su poligonu fiat cambiau in su 1959 in "Ente Interforze" a sutta de sa gestioni de s'Aeronautica Militare Italiana, e disitinau po adestramentu e impreu isperimentali.
Est sa basi militari prus manna de s'esercitu italianu e de tota Europa; est esténdiu in una parti de monti, in su comunu de Fòghesu, e in una parti a mari, in Cabu de Santu Larentzu in su comunu de Biddeputzi.
Sa basi traballat impari cun su Aeroportu de Deximumannu, cun su poligonu militari de Cabu Frasca e cun su presidiu de s'Aeronautica militari de Casteddu-Su Masu.
In su poligonu de Chìrra si faint atividadi de adestramentu de s'esercitu italianu impari de is esercitus de sa NATO e de atrus istadus liaus cun acodrius de interessu militari. Custas atividadis funt diversas: adestramentu de repartus de artilleria e de unidadis misilisticas; utilizu de laser e de atrus sistemas tecnologicus; esercitatzionis a fogu cun armas portabili de terra e de mari; esercitatzionis aereas e marinas a fogu. Intertantu de is esercititatzionis de sa NATO, si faint atividadi de adestramentu anfibiu, navali e aereu impari cun is basis de Deximumannu, Cabu Frasca e cun su Poligonu militari de Cabu Teulada.
Oi in su Poligonu de Chìrra si faint puru isperimentatzioni e collaudus de prototipus de missilis e de motoris de razus, cun sa coperatzioni de is industrias bellicas e cun entes de su setori de "elettronica Aerospaziale" liadas a sa ricerca de su "Distretto aerospaziale della Regione Sardegna".