Articulu in logudoresu

Punta Lìzu (in italianu Punta Giglio, in cadelànu Punta del Lliri) est unu promontòriu de carchìna chi b'at in s'òru nord-otzidentale de sa Sardigna in s'Alighera, chi impàre a s'ateru promontoriu (de nùmene Capu Catza) insèrrat su golfu mannu de Portu Conte.

Punta Lìzu bìda dae su mare.

De manèra impròpia si li nàrat "punta", ca in realtàde tènet prusaprèstu sas carateristicas de unu capu pro s'artèsa manna sua sùbra de su libellu de su mare; su nùmene chi tènet, a dòntzi modu, pòdet iscobiàre su fatu chi in cùe bi aìat unu numeru mannu de pràntas de lìzu creschènde arèste.

Punta Lìzu est in intro de su zàssu marinu protetu de Capu Catza - Isula Piana. Dae su puntu prus artu si podet miràre totu su paesàzu chi inghìriat sa punta. Pro mòre de su puntu istrategicu chi podìat dominare tottu s'area, in sa segunda gherra mundiale s'esèrtzitu italianu e cussu tedescu bi aìant fraigàdu una base antiaèrea: de cussa como bi abbàrrat galu una parìga de casermas, chi si pòdent agatàre pèri totu sa zona e fìnt fatas de carchìna pro las pòder cuàre menzus a sos ogros de sos Alliàdos.