Santu Srabadoi de Sinnis

Coordinadas: 39°55′14.9″N 8°27′06.27″E / 39.920806°N 8.451742°E39.920806; 8.451742

Santu Srabadoi de Sinnis est una biddighedda de sa provìntzia de Aristanis posta a intru de su territòriu de su comuni de Crabas.

Sa pratza principalli de sa bidda

S'agatat in sa pati meridionalli de sa penìsua de su Sinnis a mesu caminu intra de s'istàniu de Crabas e sa laguna de Mistras. Po ddu arribai si sighit po 8,5 kilometrus s'istrada chi de Crabas betit a Sant'Uanni de Sinnis. Sa bidda est populada iscetis fachi a sa primu chida de su mesi de cabudanni, po sa festa de su santu chi ddi giait nòmini. Po su restu de s'annu no est bìvida de nemus.

Istoria modìfica

S'origini benit de su periodu pre-nuragicu.

A suta de sa cresia de su XVII sèculu difatis, si podit agatai unu ipogeu, chi in antighidadi fiat usau po su cultu de is acuas, e chi fachi a su VI seculu srebiat comenti crèsia.

Sa bidda oi est assentada in domitas (cumbessias) in preda chi tenint po sa prus pati scetis unu pianu e mai prus de dus.

Curiosidadis modìfica

In is annus 60 de su '900 Santu Srabadoi est istètiu fatuvatu su set de cinimas spaghetti-western, intra de custus su prus famadu est Giarrettiera Colt. Fentzas a is annus '80, s'architetura de sa bidda sighiat a tenni medas de is mudàntzias giadas po ddus girai. Intra de custas sa prus nodìa fiat su saloon, unu tzilleri in istili western, chi est andau abruxau a primìtziu de is annus 90. Oi sa bidda est istètia restaurada e tòrrat a tenni is tratus originallis suus.

In su 2003 su cumplessu Meganoidi d'at isceberada po nchi girai su video de unu sìngulu insoru: Zeta Reticoli.