Su massacru de Katyń

Su massacru de Katyn, cunnotu finas comente Su massacru de su padente de Katyn, est un'isecutadura massiva de nassionales polonesos cumìtida dae sa Cummessaria Pobulare pro sos Afares Internos (NKVD), sa polima segreda soviètiga, in abrile e maju de 1940. Su massacru aiat leadu sa frua dae sa proposta de Lavrentiy Beria su cabu de su NKVD de isecutare totu sos presoneris de su Corpus de Ufissiales Polonesos, ispressada su 5 de martzu de 1940. Custu documentu ufissiale fiat istadu aproadu e sinzadu dae su Politburo soviètigu, incrùdidu Joseph Stalin su lìderu suo. Su nùmeru de bìtimas est abaliadu a inghìriu de 22.000. Sas bìtimas fiant istadas assassinadas in su padente de Katyn in Rùssia, in sas presones de Kalinin e Kharkiv e in aterue. 8000 de sos zustissiados fiant ufissiales leados comente presoneris in tempus de s'Imbasura soviètiga de sa Polònia, àteros 6000 fiant azentes de polima e s'abarru fiant nassionales polonesos detènnidos chi cunforme a sos soviètigos fiant “azentes segredos, zendarmes, tancheris, sabotadores, domuleris, abogados, funtzionàrios e preìderos”.

Forada massiva in su massacru de Katyn

Mapa de sos logos relatos a su massacru de Katyn

Pro medas annos, su massacru fiat istadu atribuìdu dae sos soviètigos a sos natzistas, efetivamente curpàbiles de atrotzitades meda, peroe no de custa. In 1990 bi fiat istadu su recunnoschimentu ufissiale de responsabilidade dae bandas de s'Unione Soviètiga antiga.