Succuba

Articulu in nugoresu

In sa mitologia de sa Roma antica e in s'Edade de Mesu, unu/-a succubu/-a est unu dimòniu de apparentzia feminìna chi abbaràddat sos omines (mascamente sos mànagos) pro bi facher sessu, suzetos de su tottu a sa boluntade sua.

Una succuba in foras de una locanda inglesa, a testimonia de su fattu chi in passau cussa fit unu burdellu.

Nànchi sas succubas s'ingurtìan tottu s'energia de s'omine pro si nudricàre, protzessu chi a s'ispìssu ucchidìat s'indemoniàu. Sicund'un'attera versione de custa paristòria, sa succuba induìat sos omines a tentassione juchèndelos a su peccau. Custu contu fit pro s'ispiegàre sas pollutziònes de su note chi càpitan a sos zovanos a mannìttos.