Testughine grecu

Articulu in nugoresu

Su testùghine grecu (Testudo Graeca) est unu rettìliu chi fachet parte de sa famìlia Testudo.

Areale de s'ispètzia

Su testughine grecu est un'ispetzia paleartica otzidentale, chi in Europa si atzàpat in Italia, Grèghia orientale, Ispagna, Turchia europea, in càrchi ìsula de su Mare de Mesu (Sardinna cumpresa) e in sas costèras bulgaras e rumenas de su Mare Nigheddu. In Asia b'est meda in Turchia, unicu trettu in ube s'esistentzia sua no est in arrìscu, Asia Minore, Iran fìntzas a arribare a làcana chin su Pakistan. In s'Africa de su Nord est meda a comùnu in Maroccu, Algeria, Tunisia e Libia.

In Sardinna

In Sardinna custa ispetzia che l'an battìa in epoca istorica. Sa suttispètzie chi si atzapat de prus est cussa tunisina (mancari chi su fenotipu suo non si podat pònner a pare chin cussa de Tunisia, bìdu chi galu isètat de esser reconnòttu), chi tenet su lùmen issientìficu de Testudo Graeca Nabeulensis. S'isolamentu in su tempus l'at fatta bènner a divèrsu dae su fradìle africanu, sènde prus manna (podet cròmper fintzas a bìndichi - decheòto chentìmetros).

Aggantzos de fora

Carchi immàzine de testùghine grecu de Sardinna