The Latin Library

Articulu in nugoresu

The Latin Library est unu zassu web in ube si collint sos iscritos de dominiu publicu in limba latina.

Carateristicas

Totus sos iscritos benint dae paritzas fontes: carchidunu si picat dae libros imprentaos chi sunt liberos dae deretu de autore, ateros sunt iscarrigaos dae sitos in sa retza e de custos unos cantos no si bient prus, ateros galu che los imbiant volontarios accudinde dae totu su mundu.

Sos iscritos mantesos in ibe no si podent impreare in locu de sas editziones criticas insoro e tando no bastant pro bi fachere in supra sa chirca accademica. Si presentant in limba latina comente fint, chene bortadura peruna in atera limba. Sicomente sas fontes sunt diferentes meda, a bias impreant sa grafia filologica (in s'assimilatzione de sa U/V, pro esempiu) e in ateras bortas sa grafia currente.

Istoria

Su zassu lu mantenìat cussu chi lu aìat frabicau, William L. Carey, de Fairfax, in Virginia. Su situ fachet parte de su prus mannu Ad Fontes Academy.

Agganzos de foras

• Zassu ufitziale, thelatinlibrary.com