The Witcher 2: Assassins of Kings

Articulu in nugoresu

The Witcher 2: Assassins of Kings est unu videojocu de rolu (action RPG) chi su grùstiu polacu CD Projekt RED at isvilupau; est su sichidore direttu de su primu The Witcher (2007). Su jocu, chi isfrutat su motore graficu RED Engine imbetzes de s'Aurora Engine chi impreabat su primu episodiu, est istau prubicau pro Microsoft Windows; in su 2 de làmpadas de su 2011 sos isvilupadores ch'an annuntziau s'essìa pro Xbox 360, fissada pro su 17 de aprile de su 2012. Su grustiu si at semper nau "possibilista" fintzas pro una versione PS3, a su mamentu galu non prevista. Sa cumpartida peri s'Europa tzentrale est a cura de CD Projeket etottu, pro s'America de su Nord est imbetzes Atari, pro s'Europa de Ponente est sa Namco Bandai e pro sa Russia sa 1C Company. Sa CD Projekt distribuit su jocu fintzas in su mercau digitale chin su zassu web de sua propriedade, GOG.com.

S'ambientassione de su titulu ammentat cussos chi s'iscritore polacu Andrzej Sapkowski aiat imazinau in sa saga sua dedicada a sos Witcher (in limba polaca Wiedźmin), gai etottu comente in su jocu benniu a primu.

Su sichidore suo, The Witcher 3: Wild Hunt at a essire in su 2014.