Universidade de Tàtari

Articulu in nugoresu

Sa Universidade de Tatari (in italianu Università di Sassari, in latinu Universitas Turritana Sacerensis) est un'ateneu prùbicu chi aìat tentu, prima in Sardigna (in Casteddu sos cursos dìant àer cumintzau pètzi in su 1626), s'identitade giuridica sua in su 1617. Oje in die, s'ateneu tenet ùndichi facultades.

Istemma de s'ateneu.

S'Universidade de Tatari resèssit a si mantènner a sos libellos prus artos in sa classifica chi su Censis espònet a cadèntzia annuale dae su 2001 in susu, tra una setantìna de ateras universidades.

Istòria

Si contat chi Alessio Fontana in su 1558 aìat lassau sos benes suos a sa municipalidade pro chi bi seret fravicàu unu collèzu de istudios intregàu a sa Cumpanzìa de Gesùs. Su re Filipu de tres aìat peroe cuntzèdiu s'istatutu de Universidade règia petzi in su 9 de frevàrju de su 1617, chin sa cunsacrassione de Tatari a prima Universidade regia.

In su 1765 fit approvàu unu regulamentu internu, riconnoschènde bàtor facultades: Filosofia ed Arti, Teologia, Giurisprudenza e Medicina; bi aìant acudìu professores piemontesos chi, nànchi, aìant fatu prus manna sa chìrca sientìfica.

In su 1877 s'ateneu tataresu si parificat chin cussos secundarios. A su cumìntzu de su Novichèntos s'ateneu aìat connotu fermentàzu curturale novu, fachèndebi intrare sa curtura positivistica in su campu de sa medìchina, de sas sièntzias e de su derètu; pro more de s'atuamèntu de su sistema universitario nazionale s'ant istituìu sas facultades de Butecarìa (Farmacia) e Medìchina Veterinaria e, in su 1950, sa facultade de Agraria puru naschit. S'ateneu tataresu galu creschet finas a arribare, in su 2002, a tènner undichi facultades.

Facultades

• Agraria
• Veterinarja
• Literas e Filosofia
• Jurisprudentzia
• Medichina e Chirurzìa
• Potecarìa
• Sientzia Politica
• Limbas e Literadura istranza
• Matematica, Fisica e Sientzias naturales
• Architettura

Immàzines

Palàttu printzipàle de s'universidàde tatarèsa.

Agganzos de fora

• (IT) Zassu ufitziale, in uniss.it.