Vertentzia Intradas

Articulu in nugoresu

Sa chistione de sa vertentzia intradas pertoccat s'iscoperta, sa cuntièrra e sas pùnnas (galu de bàdas) pro isòrver su versamentu mancau de una parte manna de sas intradas tributarias chi s'istadu italianu depet a sa Sardigna, dae su 1991 a oje.

Sos istudios de sa Fondatzione Agnelli e ateras fontes de su ministerju ammustràban chi, comente si at iscopertu in su 2004, s'istadu italianu tenet unu dèppiu chin sa Sardigna de una dechìna e passa de miliardos de euro (galu in crèschia).

Est a nàrrer chi s'Italia non torrat a sa Sardigna sos sete decimos de IRPEF, chi la còllin in s'isula, paris chin cuotas similes de IVA e de ateras impostas. Pro mèdiu de càrculos, duos euros a secùndu colan a s'istadu italianu dae sa Sardigna chene bi torrare prus.

Custa chistione la aìan fatta essìre a campu sos paritzos grupos e movimentos indipendentistas in su 2004, e a pustis l'at picada, fachèndela propria, su guvernu regionale de Renato Soru a cumintzare dae s'annu chi est bènniu a pustis, in su 2005.

Oje in dìe sa vertentzia intradas est galu a isòrvere.

Aggantzos de foras

• Càrculu de su dèppiu chi est a como Archiviadu su 20 martzu 2014 in s'Internet Archive.