Àreas insulares de Istados Unidos de Amèrica

Artìculu in LSC

Un'àrea insulare (in inglesu: Insular area) est unu territòriu de Istados Unidos chi non faghet parte de perunu istadu federadu o de su Distretu de Columbia.

àreas insulares de Istados Unidos

Insular area est su trèmene genèricu currente chi su Dipartimentu de Istadu de sos Istados Unidos impreat pro si refèrrere a cale si siat commonwealth, istadu liberamente assotziadu, possedimentu o territòriu compudadu dae su guvernu istadunidensu. In unos àteros cuntestos, sas àreas insulares de sos Istados Unidos podent èssere descritas che dipendèntzias, protetorados o àreas dipendentes (chi non fàghent parte de unos àteros istados).

Sos residentes de custas àreas sunt cunsiderados natzionales de sos Istados Unidos, sende chi non pagant sas tassas federales, non partètzipant a sas eletziones presidentziales ne eleghent membros de su cungressu. Sunt lìberos de si mòvere in s'internu de su paisu chentza restritzione de immigrados e sos produtos de sas àreas issoro tenent s'eticheta Made in the U.S.