Ìsulas Britànnicas

Artìculu in LSC

Is ìsulas Britànnicas (fintzas archipèlagu britànnicu, Britànnia Manna e Irlanda e ìsulas anglo-cèlticas) sunt unu archpèlagu postu a su chirru norti-uestu de s'Europa cuntinentale. Sunt cumpostas printzipalmente de sa Britànnia Manna e de s'Irlanda a inghìriu de chi s'agatant numerosas ìsulas minores, comente s'ìsula de Man, is Sorlingas, is Èbridas, is Shetland e is Òrcadas.

ìsulas britànnicas

S'archipèlagu contat prus de 6.000 ìsulas cun istèrrida totale de 315 134 km². S'agatat partzidu in duos istados soberanos de su 1922: su Rènniu Aunidu de Britànnia Manna e Irlanda de Norti e sa repùblica de Irlanda, a chi s'azunghent una cantas dependèntzias de sa corona britànnica: is ìsulas anglu-normannas de Guernesey e Jersey; custas ùrtimas duas, mancari politicamente britànnicas, geograficamente s'agatant pagu a illargu de sa costera de sa Normandia, in Frantza.