Ìsulas Marshall

Coordinatas: 7°07′N 171°04′E / 7.116667°N 171.066667°E7.116667; 171.066667

Flag of Sardinia, Italy.svg
Artìculu in LSC
Flag of Sardinia, Italy.svg

Sa Repùblica de sas Ìsulas Marshall est un'istadu insulare chi at otentu s'indipendèntzia de sos Istados Unidos in su 1986, cunvertende·si·nche in unu de sos istados prus giòvanos de Otzeània. Sa capitale est Majuro.

Bandera
Posidura in su mundu

S'istadu est cumpostu dae duos artzipèlagos e carchi iscògliu chi in totale assummant a unas 1.152 ìsulas de su Patzìficu, pro una tirada totale de 181,43 km², pro unos 52.634 bividores. Est postu a nord-estu de Austràlia, in s'ispetzìficu a norte de Nauru e Kiribati, a estu de sos Istados Federados de Micronèsia e a sud de s'ìsula de Wake, chi pertenet a sos Istados Unidos.

Colonizadas dae sos micronesianos a su segundu millènniu a.C., s'ischit pagu etotu de s'istòria antiga de sas ìsulas. S'esploradore Alonso de Salazar fiat su primu europeu a abbistare sas ìsulas Marshall, ma fiant abarradas virtualmente disconnotas fintzas a s'arribu de John Marshall, capitanu inglesu, in su 1788; sas ìsulas depent su nùmene a isse.

Su 1885 si bi fiat installada una cumpannia cummertziale tedesca, e annos apustis sas ìsulas fiant divènnidas parte de su protetoradu de sa Noa Guinea Tedesca. Su Giapone aiat conchistadu sas ìsulas durante sa Prima Guerra Mundiale, e ddas aiat amministradu segundu unu mandadu de sa Sotziedade de Natziones.

Durante sa Segunda Guerra Mundiale, sos Istados Unidos ant ocupadu sas ìsulas (1944), chi sunt istadas annantas in su Territòriu in Fidecomissione de sas Ìsulas de su Patzìficu (Trust Territory of the Pacific Islands). Sos Istados Unidos aiant comintzadu a fàghere esperimentos nucleares in sas ìsulas pagu a pustis de sa gherra, e ddos ant sighidu a fàghere fintzas a sos annos 1960. Medas bividores de sas Marshall aiant patidu fortes doses de radiatziones a pustis de custos esperimentos, e sos reclamos de cumpensos sighent fintzas a oe in die.

In su 1979 fiat istabilidu sa Repùblica de sas Ìsulas Marshall e fiat firmadu unu tratadu de lìberu assòtziu cun su guvernu de Istados Unidos, chi est intradu in vigore in su 1986.

Àteros progetosModìfica