Amsterdam
Coordinadas: 52°22′N 4°53′E / 52.366667°N 4.883333°E
Artìculu in LSC
Amsterdam (/ˌɑmstər'dɑm/)est sa capitale e sa tzitade prus manna de sos Paisos Bascios e s'agatat in sa Provìntzia de Olanda Setentrionale. Su comune de Amsterdam contat unos 820.000 abitantes e prus de 170 natzionalidades e cun s'area metropolitana arribat a unos 2.300.000 bividores.
Su tzentru de Amsterdam, inghiriadu de canales de su seculu XII, est patrimoniu de s'UNESCO.
Sa tzitade est amministrada de su sìndigu e de su cunsìgiu comunale tzentrale, ma est fintzas partzida in sete allacanaduras, naradas stadsdeel, chi tenent cunsìgios issoros (Stadsdeelraad). Totus is detzisiones chi pertocant su stadsdeel sunt pigadas de su cunsìgu de s'allacanadura, is detzisiones prus de importu e chi pertocant is infrastruturas tocant a s'amministratzione prìntzipale.
Amsterdam portat unu de is prus mannos tzentros rinaschimentales de Europa. Medas sunt is fàbbricos chi benent de is seculos XVI-XVII, chi istant in s'oru de canales semi-tzirculares. Is canales inghìriant su portu betzu, chi in antis si ghetaiat in su Zuiderzee e chi oe est istesiadu du su mare biu.
Sa tzitade tenet fintzas importantes museos: su Rijksmuseum, su museu Van Gogh, su Concertgebouw, su Rembrandt House Museum, sa domo de Anna Frank, su monumentu in memoria de is omosessuales bochidos in is campos de destrossa nazistas.
Amsterdam est famada pro s'apentdìtziu a lughes rujias, De Wallen, is coffee-shops chi bendint marijuana e derivados de sa cannabis.
Su mòtto uffitziiale de Amsterdam est "Heldhaftig, Vastberaden, Barmhartig" (Balente, Subrassìda, Misericordiosa). Is tres rughes de Sant'Andria in sa bandera sunt in acapiu cun custos faeddos, mancari bi èsserent giai in antis de su mòtto.