Belle Gunness

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Belle Sorenson Gunness, nàschida Brynhild Paulsdatter Størseth o Brynhild Paulsdatter Storset (Selbu, 11 de onniasantu de su 1859 – La Porte, 28 de abrile de su 1908?), est istada una assassina in filera norvegesa naturalizada istadunidense. Est una de is prus produtivas de totu s'istòria de Istados Unidos cun a su nessi 40 bochiduras averguadas.

Belle Sorenson Gunness
Retratu de su 1903
Àteros nùmenes	Brynhild Paulsdatter Størseth, Brynhild Paulsdatter Storset
Paranùmenes	Belle de s'Inferru
Naschimentu	Selbu, 11 de onniasantu de su 1859
Morte	La Porte 28 abrile de su 1908, s'incasu chi siat morta diaderus in s'intzèndiu
Vìtimas averigurdas	40+
Vìtimas suspetadas	60+
Perìodu de is bochiduras	1884 - 1908
Logos	Selbu, Norvègia 11 de onniasantu 1859
Mètodos de ochidura	Afracada cun destrale, abbelenamentu
Cundenna	peruna
Tempus de presonia	mai arrestada

S'orìgine de Belle Gunness, gasi comente de parte manna de sa vida sua, est inghiriada dae ispeculatziones, mistèrios e fàulas. Parte manna de sos istòricos chi si sunt ocupados dae custu afare sustenet chi fiat nàschida s'11 de onniasantu de su 1859, a manu de su lagu de Selbu, Sør-Trøndelag, in Norvègia,​ Fiat batijada cun su nùmene de Brynhild Paulsdatter Størset. Segundu custas versiones, su babbu fiat istadu s'operaju Paul Pedersen Størset, e sa mama fiat Berit Olsdatter. Brynhild diat èssere sa minore de oto frades, sa famìlia de is cales biviat in Størsetgjerdet, una sienda minore in Innbygda, Selbu, a curtzu de Trondheim, sa tzitade prus manna de sa Norvègia tzentrale.

In is annos 1890 in Chicago (Illinois) e in sos annos 1900 in La Porte (Indiana), e a 80 km in su sud-est de Chicago (Istados Unidos), Belle Gunness fortzis aiat ochidu a is chimbe fìgios biològicos suos e a sa fìgia adotiva, gasi comente a is duos maridos, a una fortzis a duas fìgias de su segundu maridu suo e a una trintina de operajos agrìculos chi traballaiant in sa fatoria sua. Mancari custu cumportamentu, aiat postu un'annùntziu in unu giornale pro agatare maridu nou; e comente a cunsighèntzia de custu annùntziu, aiat intervistadu pretendentes vàrios (una deghina) bènnidos a dda bìdere cun totu is benes chi ddi parteniant, ma a pustis de custa vìsitas issos non fiant istados bidos prus dae nemos.

Su 28 de abrile de su 1908, unu fogu aiat iscagiadu sa domo sua de 'La Porte', e in cue intre is ruinas fiant istados agatados is corpos de fìgios suos vàrios impare a cussu de una fèmina isconcada. Custa sircunstàntzia aiat fatu pensare in sa morte de Belle Gunness matessi, mancari, carchi duda fiant naschidas a sa lestra a pustis de chi bighinos e amigos vàrios aiant afirmadu chi su corpus de sa fèmina isconcada non currespondiat cun su de Gunness. Custas decraratziones fiant istadas cunfirmadas dae is mesuras pigadas subra custu carasu, e s'autòpsia aiat dimustradu chi sa fèmina in chistione fiat morta pro abbenenamentu cun istrichinina. Is autoridades aiant concluidu tando in unu primu tempus chi su corpus iscobertu in sa fatoria iscapada a tènnere non currispondiat a su de Belle Gunness, ma pagu a pustis, una pròtesi dentale identificada giai comente de Belle Gunness fiat istada agatada intre is chinisas de sa domo, cosa chi aiat portadu a s'isceriffu a decrarare ufitzialmente chi sa fèmina fiat morta in su fogu. De totu manera, medas dudas e dimandas si fiant postas in custas dies subra sa fine berdadera de Belle Gunness.

Unu mese a pustis de su fogu, chircas cumpridas dae un'òmine a fatu de s'isparessimentu de su frade, aiant portadu a s'iscoberta de unos baranta carasos in is terras a inghìriu. A sa lughe de custos agatamentos si fiat pòdidu istabilire tando, chi Gunness diat àere pòdidu ochire a baranta-noe persones intre 1896 e 1908, intre issas calicunos de ses fìgios, is duos maridos, unos trinta operajos e a una deghina de pretendentes.