Open main menu

Ozieri-Stemma.png
Articulu in logudoresu
Ozieri-Stemma.png

Bonifàtziu

Bonifàtziu (Bunifaziu in limba corsigana), narada antigamente Calcusaltu, est una comuna corsigana e frantzesa posta in su departamentu de sa Còrsiga de su Suddu, chi bogat su nùmene suo dae Bonifàtziu su de II, marchesu de Tuscana.

Anteriormente, fiant fentomada in su merie istremu de sa Còrsiga una bidda antiga narada “Pallae”, chi su nùmene est istadu bardadu pro inditare s’astrintorzu intre sa Còrsiga e sa Sardinna e su sartu a inghìriu de Bonifàtziu.

Sos abitadores suos sunt narados bonifatzinos.

Bonifàtziu, chi s’agatat in su suddu istremu de sa Còrsiga, est sa comuna corsigana prus meriesa, gasi comente sa comuna frantzesa situada prus a su suddu de sa Frantza metropolitana. Sas Bucas de Bonifàtziu separant sa Còrsiga dae sa Sardinna.

Sa bidda incruet unu portu e una tzitadella. Custa ùrtima est posta in unu cabu chi dòminat su mare peri una falèsia chi est una bena de carcare, roca meda rara in Còrsiga, chi tenet unu solu prus a prestu granìtigu. Su cabu naradu est longu 1.600 metros e ladu 100 metros.

Sa limba tradissionale de sos abitadores de Bonifàtziu no est su corsiganu, si nono unu dialetu zenovesu. In efetos, mancari siat istadu fundadu dae sos ducas de Tuscana, Bonifàtziu fiat devènnidu meda luego (in su 1.195) unu presìdiu (una colònia) de sa Repùbriga de Zènova, repobuladu cun famìlias zenovesas chi s’alliaiant intre issas o cun àteras famìlias naturales de sa Ligùria. Su dialetu de Bonifàtziu est in protzessu de iscumparta a dies de oe e sighit a esser faeddadu petzi dae unas cantas famìlias.