Buffalo (New York)
Coordinadas: 42°53′11″N 78°52′41″W / 42.886389°N 78.878056°W
Artìculu in LSC
Buffalo est una tzitade de unos 259.500 bividores de is Istados Unidos de Amèrica, chi s'agatat in s'istadu de New York, in ue est sea de sa Contea de Erie.
Sa bidda fiat fundada in su 1789, e a pustis de s'aberta de su Canale Erie, in su 1825, fiat crèschida meda in presse. A giru de su 1900 Buffalo fiat sa de 6 tzitades majores de Istados Unidos, tzentru mannu de colligamentos cun ferrovias e de indùstria de atzàrgiu.
A sa fine de su sèculu de 20 sa fortuna de sa tzitade at furriadu, cun s'aberta de sa bia de abbas in su frùmene Santu Larentzu e sa movidura de is indùstrias a manu de sa Tzina.
In is annos 50 de su sèculu 20 sa bidda contaiat populatzione de casi 600 migia bividores. Giai a inghitzu de is annos 90 fiat calada a pagu prus de 300 migia.
S'àrea metropolitana Buffalo-Niagara Falls contat unos 1,2 milliones de residentes.