Canale de Sardigna

Artìculu in LSC

Su canale de Sardigna est cussa tretu de su mare Mediterràneu otzidentale chi partzit sa Sardigna dae sas costas tunisinas. Is puntos prus pròssimos intre sa costa nordafricana e sa Sardigna sunt istesiados unos 185 km. A ovest-sud-ovest e a est-nord-estu permitet una comunicatzione profunda intre su lutone Algero-Liguro-Proventzale e cussu Tirrènicu, mentras a sud-estu si culligat cun su canale de Sitzìlia.

Cabu Spartivento (Partzibentu), a s'stremidade meridionale de Sardigna, chi costituit s'atza norte de su Canale de Sardigna

Bista satellitare de su canale de Sardigna e de su de Sitzìlia

Geologia

Su canale de Sardigna s'agatat in currespondèntzia de una parte imbèrghida de su brancu Apennìnicu-Maghrebide de sa Cadena Alpina. Derivat de su subrapositzionamentu de duas placas tetònicas chi ant prodùsidu de pare a pare siat un'ingrussamentu de su còrgiu terrestre siat un'assutiligamentu. Custa evolutzione, pròpia de sas cadenas collisionales, si dda podet bene abbaiadare in su canale de Sardigna: is caraterìsticas morfològicas e istruturales sunt difatis evidentes fintzas pro ite s'imberghidura de su lutone dd'at preservadu dae s'erosione aèrea.