Cliente (informàtica)

Artìculu in LSC

Unu cliente (connotu fintzas comente a client), in informàtica, indicat in manera genèrica unu cumponente chi atzedet a is servìtzios o a is risursas de un'àteru cumponente naradu serbidore. In custu cuntestu si podet tando faeddare de cliente referende·si a is componentes fìsicos (hardware) opuru a su programma. Issu faghet parte duncas de s'architetura lògica de retze narada cliente-serbidore.

Pro estensione su tèrmine cliente indicat fintzas su programma impreadu in su computer-cliente pro atzèdere a sas funtzionalidades ofertas dae unu serbidore.

Sa terminologia e su funtzionamentu de custu ischema orìginant in un'analogia cun su mundu de sas persones, in ue unu tzilleraju o butegheri (serbidore) aberit unu servìtziu e si ponet in isetu de is rechertas de sos clientes. Sos clientes sunt a parusu in nùmeru superiore a su fornidore de servìtzios, is rechertas issoro arribbant cun frecuèntzia previdìbile, ma non pre-determinada, e sos tempos de servìtziu sunt a parusu prus curtzos de su tempus de "abertura" de su fornidore.

Descritzione

Un'elaboradore collegadu a unu serbidore pro mèdiu de una retze informàtica (locale o geogràfica) pro ndi rechèdere unos cantos servìtzios, impreende unos cantos protocollos de retze est un'esèmpiu de cliente hardware. Si faeddat in custu casu de architetura cliente-serbidore.

Oe semper de prus sos programmas, comente is pro web, posta eletrònica e bases de datos, sunt partzidos in un'ala cliente (residente e in esecutzione in elaboradores-cliente) e un'ala serbidore (residente e in esecutzione in elaboradores-serbidore). Unu programma de posta eletrònica est un'esèmpiu de programma cliente. Torrende a s'analogia cun su mundu de is persones, est comente chi andaremus cando non cando a s'ufìtziu postale a abèrrere sa casella nostra de posta. S'ufìtziu postale mi frunit sa crae de sa casella, e deo, in calidade de cliente, impreende sa crae atzedo a sa casella de posta collegada a sa persone mea.

A esèmpiu, in su web su programma cliente est su navigadore chi comùnicat cun su serbidore web pro mèdiu de su protocollu HTTP; pro sa posta eletrònica su cliente est naradu in faeddos tècnicos mail user agent o MUA (a esèmpiu, Outlook, Mozilla Thunderbird, Eudora, ...) chi comùnicat cun su serbidore pro mèdiu de is protocollos SMTP e POP o IMAP; su cliente, pro sa consultatzione o sa muda de sa base de datos, comùnicat cun su DBMS, chi gestit sa base de datos e rispondet a sas interrogatziones de su cliente.