Comunidade econòmica europea

Artìculu in LSC

Sa Comunidade europea (incurtzada in CE) est istada un'organizatzione de istados europeos chi costituiat su "Primu pilastru" de sa sighidora Unione Europea. A primìtziu, CEE istaiat pro "comitadu econòmicu europeu".

Mapa de sa Comunidade europea, e ispaniadura

Cunsiderada sa prus importante de sas Comunidades europeas, fiat naschida su 25 de martzu de su 1957, cando ses Istados (Bèlgiu, Frantza, Germània, Itàlia, Lussemburgu, Paisos Bàscios) ant firmadu sos tratados de Roma, chi sunt intrados in vigore su 1 de ghennàrgiu de su 1958, dende gasi comintzu efetivu a sa Comunidade econòmica europea (abbreviada in CEE).

Sa paràula "econòmica" est istada bogada dae su nùmene a sighidu de su Tratadu de Maastricht (1992) chi at fatu de sa Comunidade europea (CE) su "Primu pilastru" de s'atzione de s'Unione europea (UE). Sa Comunidade Europea fiat ghiada dae su puntu de bista monetàriu de su Sistema Monetàriu Europeu (SME).

Cun s'adotzione de su Tratadu de Lisbona su 1º de nadale de su 2009, formalmente no esistet prus (est istada surbida dae s'Unione europea).