Costantinòpoli

Artìculu in LSC

Costantinòpoli (in gregu Κωνσταντινούπολις, Konstantinúpolis, incurtzadu in ἡ Πόλις, hē Polis, 'Sa Tzitade'; in latinu: Constantinopolis, in turcu otomanu formale Konstantiniyye) est su nùmene istòricu de s'atuale tzitade de Istanbul, posta in ambadus is lados de s'Istrintu de su Bòsforu, in Turchia.

Mapa de Costantinòpoli Bizantina

Costantinòpoli in època Bizantina

Sa bidda est istada capitale de impèrios diferentes in su cursu de s'istòria sua: Impèriu romanu (330-395), Impèriu romanu de Oriente (395-1204 e 1261-1453), Impèriu Latinu (1204-1261) e Impèriu otomanu (1453-1922).

Situada in unu puntu istratègicu intre Europa e Àsia, sa Costantinòpoli bizantina fiat baluardu de sa cristianidade e eredera de su mundu grecu e romanu. In Edade Mèdia fiat sa tzitade majore e prus rica d'Europa, a sa rughera intre is cummèrtzios chi acapiaiant is tres continentes de Europa, Àsia e Àfrica.

Segundu is guvernos e is èpocas istòricas, at tentu nùmenes diferentes, intre is prus comunos s'amentuant Bisàntziu (in gregu Byzantion), Roma Noa (in gregu Νέα Ῥώμη, in latinu Nova Roma) e Stanboul.

Su batiamentu cun su nùmene atuale torrat a su 1930, mediante sa Lege Turca de Servìtziu Postale, una de is reformas natzionales chèfirdas de Mustafa Kemal Atatürk.