Craic

Articulu in nugoresu

Craic (/ʔkræk/ KRAK), o crack, est unu favèddu chi sos irlandesos imprèan mèda pro sa tzàrra (cussa chi fachet casìnu in particulàre) e cosa ispassiòsa in generale; si pònet a pàre, a s'ispìssu, chin s'artìculu definìu, sènde dùncas the craic. Custa paràgula at un'istòria curiosa a pàlas suas: s'inglesu crack lu aìat picàu s'irlandesu, benìnde craic, in sa meitàde de su seculu de XX, e a pùstis su spelling irlandesu chi nd'at resurtàu lu at picàu tòrra s'inglesu.

Crìticas

Sa paragula craic at pèsau unu muntòne de criticas, mascamènte de sos purìstas chi li nàran "fràssu irlandesu" (fake Irish) o unu noulozismu pseudo-gaèlicu, ma fìntzas prus "sotziulogicas" nànde chi est s'espressione de s'idealtìpu (istereòtipu) de s'irlandesu.

Sotziulogìa

Sa paragula est còmmo parte de sa curtura irlandesa. Su professore Eileen M. Trauth aìat naràu chi, mancàri chi nd'aìat falàda de àbba sùtta de sos pòntes dàe càndo s'Irlanda fit gàlu terra de massàjos, s'importàntzia chi tènet a libellu traditzionale su cuntzèttu de craic abbàrrat galu, tantu chi sos traballadòres li dàen càra pro zuicàre sa calidàde de vida.